تحملت الجفا

تحملت الجفا ============== تحملت الجفا والصد من شأنك صبرت الصبر لي مايصبره ايوب وباغصن القرنفل وين عنوانك معاد جاء منكم طارش ولامكتوب تعب قلبي وانا اغني من الحانك ودمعي كل ليلة عالوجن مسكوب هجرت القلب واتحملت هجرانك كما جبح الغيه لاهجرها النوب ميازين الذهب نخضع لميزانك وحسنك حسن يوسف لي ربش يعقوب ولك حراس من يسراك وايمانك عيونك والهدب لي فوقها منصوب وانا اتحديت خلاني خلانك يبوني توب من حبك ولا اقدر اتوب تحملت الجفا والصد من شأنك صبرت الصبر لي مايصبره ايوب يسلم بن علي باسعيد منتدئ الخضيرة الادبي الحوطه / لحج http://hesw053.blogspot.com/

دموع المهاجر

دموع المهاجر
==================
تحديت الزمن بالصبر والحكمه
ولا فكرت في قاصي ولا داني . .
ولا بشكي لحد دام بي همه
وبتحدى زماني اللي تحداني . .
يموت الهم والمهموم في همه
نسيت الهم ريت الهم ينساني . .
تغير صاحبي ذي كان بالقمه
ومن دله على بعدي وحرماني . .
زعل مني وقاطعني على كلمه ثلاثة سنين لاجيته ولاجاني . .
يفكر ان غيري حققوا حلمه ولايدرون من غلطان على الثاني . .
قسى قلبه علي خالي من الرحمه وانا لاجلة نسيت اهلي وخلاني . .

يسلم بن علي باسعيد

منتدئ الخضيرة الادبي الحوطه / لحج http://hesw053.blogspot.com/